الجاي ده مشهد للجمهور الجزائري في مباراة مصر×الجزائر الأخيرة في السودان..!!
مش هقول دخلوا بالحاجات دي ازاي, لأن ده مستحيل مع وجود أجهزة كشف المعادن في المطار..!!
و مش هقول إن الجمهور الجزائري اللي مسافر يشجع منتخب بلاده فئة معينة من البلطجية و ناس “أمهاتهم ما تبكي عليهم” على حد تصريح لأحد الجزائريين على اليوتيوب..!!
و مش هقول إن الفئة المتعصبة دي من الجزائر الشقيق بقالهم 3 ايام في السوادن بيشتروا خناجر و مطاوي – جمع مطواه – و سكاكين.. !!
و مش هتكلم عن الشماريخ و النار اللي ولعوها في الإستاد رغم خطورتها الشديدة على حياة الناس..
و مش هتكلم عن الجالية المصرية في الجزائر اللي اتحاصرت من قبل متعصبين جزائرين و بهدلوهم معنوياً و جسدياً و مادياً…
لكنّي هتكلم عن إستهتار حكومة جزائرية.. و إستهتار حكومة سودانية.. إزاي سبتوا ده يحصل..
هتكلم عن إشاعة استقبال المصريين للجزائريين بالحجارة و إن ده ما حصلش و كذب من ناس ماعندهاش ضمير و لا أخلاق, و شفت بنفسي الفيديو على اليوتيوب للجزائريين و هم بيكسروا الأتوبيس بنفسهم..
هتكلم عن إستهتار حكومة مصرية, كنتوا فين و الناس بتموت؟؟؟!! انتوا عارفين ان الجماهير في حالة هياج.. عارفين انهم رايحيين الاستاد و ناويين على الغدر… عارفين كمان ان الناس اتصابت اصابات بليغة..
هتكلم و أقول.. لعنة الله على كل متعصب غبي سفيه من اي جنس و لون..
هتكلم و أقول.. إن احنا دلوقتي رايحيين بأقصى سرعة ناحية هوة سحيقة مالهاش قرار. و بنّفذْ اللي الكيان الصهويني عايزه و أكتر!!!!
هسيب الفيديو ده يتكلم .. و مش عارف أقول ايه بعد كده !!!!!!!!!
| 
Catwoman
حسبنا الله و نعم الوكيل.
محمد يسري محمد
فعلا حسبنا الله
May be
لا حول ولا قوه الا بالله
بجد طلعوا ناس ……
حسبى الله ونعم الوكيل
جيهان علي
نعم لعنة الله ألف مرة على التعصب والغباء والحقد المملوء به القلوب ..
هذا فقط ما يقال
محمد أبو جاد الله
حسبي الله و نعم الوكيل..
شكراً لمروركم يا جماعة, جزاكم الله خيراً