نهال عنبر عن علاقتها بنجلها حسام الحسيني خاصمته 60 يوماً بسبب الديسكو
تحدثت الفنانة نهال عنبر، عن علاقتها بنجلها المخرج حسام الحسيني، والطريقة التي ربته بها، لافتة إلى إنها كانت حريصة على زواجه، وهو في سن صغير، في عُمر الـ 22 عامًا.
وخلال لقائها ببرنامج «واحد من الناس» الذي يذاع على شاشة «الحياة» ويقدمه الإعلامي عمرو الليثي، قالت نعال عنبر: «تزوجت حسام علشان أفرح به وبأولاده، لأن حسام هو ابني الوحيد».
وتابعت: «أهلى اعترضوا بسبب زواجه وهو في سن صغير، ولكن أصريت على زواجه، وشخصيًا أنا تزوجت وعمري 18 عام، وهذا جعل هناك علاقة أمومة وصداقة بينى وبين حسام، لأن الفرق بينى وبينه مش كبير، وأنا كنت الأب والأم لحسام لأن والده كان على طول الوقت يسافر لظروف عمله، وأنا كنت حنينه جدا وشديدة في نفس الوقت لكن مش قاسية».
وتابعت: "خاصمت ابني حسام 60 يوما بسبب رده على في الكلام، كان عاوز يروح ديسكو، وهو في سن شباب، وأنا كنت بخاف من الحاجات دى فقلت له مش هتروح ولو عاوز تروح هروح معاك، فقال لى ازاى أنا كبرت، قولت له مش هتروح فقال لى حرام عليكى بقى، فشاهدنى وأنا بوطى أمسك «سبت الزبالة علشان احدفه فجرى منى، فقلت له أمامك شهرين لا أنا أمك ولا تعرفني.